ҚР Ұлттық музейі қоры жаңа жәдігерлермен толықпақ

peryaschii-orel-v-nacionalnom-muzee-rk

2017 жылғы 1 қыркүйек, сағат 14.30-да Қазақстан Республикасының Ұлттық музейінде Беларусь Республикасының Ұлттық тарихи музейі қорынан Қазақстан Республикасының Ұлттық музейіне уақытша көрмеге қою үшін этнографиялық және тұрмыстық бұйымдар колекциясын тапсыру рәсімі өтеді.
Іс-шара Белорусь Республикасы Президенті Әкімшілігінің Басшысы Кочанова Натальяның Қазақстан Республикасына ресми сапары аясында ұйымдастырылып отыр.
Музейге келушілер Беларусь ұлтының «строй» деп аталатын ұлттық әйелдер киім үлгісін тамашалай алады. Өйткені, бұл киім XX ғасырдың басындағы беларусь халқының тарихи және мәдени мұрасының жарқын бөлігі. Бұл коллекция құрамында тағы да сәндік-қолданбалы бұйымдар, қыш ыдыстар мен халықтық тоқыма және кесте өнері туындылары бар.
Беларуссияның халықтық шығармашылығының жалпы көрінісінде сүлгілер көне заманнан бері белгілі және ерекше орын алады. Олар әрдайым тұрмыстық қолданыс мақсатында ғана емес, сонымен бірге тұрғын үйлер мен икондарды безендіруде, сондай-ақ үйлену, жерлеу рәсіміне және басқа рәсімдерде кеңінен қолданылған.
Беларусь Республикасынан сыйға тартылатын қолөнер туындылары Ұлттық музейдің «Қазақстан халқы Ассамблеясының тарихы және көпұлтты Қазақстан» залының, беларусь халқына арналған бөлігіне қойылады.
Қазақстан Республикасы Ұлттық музейі мен Беларусь мемлекеті музейлері арасындағы байланыс белсенді түрде дамып келеді.
2017 жылдың сәуірінде Қазақстан Республикасының Ұлттық музейінде «Лиссабоннан Минск арқылы, Мәскеу, Астанадан Владивостокқа дейін» көрмесінің ашылу рәсімі өтті. Бұл жоба Беларусь Республикасының Қазақстандағы Елшілігі мен Қазақстан Республикасының Ұлттық музейінің бірлескен жұмысының нәтижесі болды.
Сондай-ақ, Ұлттық музейде 2016 жылы белорусь елінің фотосуретшісі Марина Батюкованың «Сула. Үздіксіз» көрмесі сәтті өткен болатын.

Анықтама үшін: Беларусь Республикасының Ұлттық Тарихи музейі - елдегі ең үлкен және ең танымал музейлердің бірі. Әр түрлі дәуірлердегі 400 000 тарихи және мәдени ескерткіштердің ішінен музей көне баспалық кітаптарды, ерекше монеталарды, этнографиялық және археологиялық жәдігерлерді, музыкалық аспаптарды, жиһаз, фарфор, шыны, металл және басқа да ұлттық құндылықтарды сақтайды.

«Ата Заң еліміздің тұрақтылығының негізі» атты дөңгелек үстел өтеді

769d57d002418441166cb2cc5b9cb99c

2017 жылғы 29 тамыз күні сағат 15:00-де Қазақстан Республикасы Ұлттық музейінің кіші мәжіліс залында 30-тамыз Конституция күніне орайластырған «Ата Заң еліміздің тұрақтылығының негізі» атты дөңгелек үстел өтеді.

Дөңгелек үстелдің мақсаты Қазақстан Республикасының Ата заң баптарындағы руханият, адам құқықтары мен бостандықтарының кепілі, қазақстандық патриотизмді одан әрі нығайту мәселелері бойынша ой пікірлерімен бөлісу.

Іс-шараға тарихшылар, филологтар, Мемлекеттік басқару Академиясының, Заң шығару Институтының, Қазақ Гуманитралық-Заң колледжінің қызметкерлері шақырылады. 

Музей педагогикасы және балалар шығармашылығы бөлімі шақырады

Афиша

«Қасиетті Қазақстан» орталығының ғылыми-сараптамалық кеңесінің отырысы өтеді

photo 150376

2017 жылғы 16 тамыз сағат 11.30-де Қазақстан Республикасы Ұлттық музейінде «Қасиетті Қазақстан» орталығының Ғылыми-сараптамалық кеңесінің отырысы өтеді.
Отырыс мақсаты жалпы ұлттық деңгейдегі 100 нысанды белгілеу және тізімдеу болып отыр. Ғылыми-сараптамалық кеңес құрамына белгілі тарихшылар, қоғам қайраткерлері, қолөнер шеберлері кіреді. Олардың қатарында Б. Аяған, З. Самашев, Ө.Озғанбаев, Ж. Артықбаев сынды тағы да басқа елге есімдері белгілі тұлғалар бар.
«Қазақстанның жалпыұлттық қасиеттік жерлерін» белгілеу мақсатындағы ғылыми-сараптамалық кеңесі отырысының күн тәртібі төмендегіше:
1. «Қасиетті Қазақстан» өлкетануды дамыту орталығының 2-ай мерзімінде атқарылған жұмыстары есебі;
2. Қазақстанның киелі жерлерін жалпыұлттық деңгейдегі нысандарын анықтау, ғылыми тізімдеу мен жүйелеу мәселелері, Қазақстанның қасиетті жерлерін жалпыұлттық деңгейдегі нысандарының электрондық таныстырылуы (презентация)