Литва суретшісі Әсия Радавичененің "Тылсым әлем" көрмесі

новый коллаж

2017 жылғы 11 шілде сағат 19.00-де Қазақстан Республикасы Ұлттық музейінде Халықаралық мамандандырылған «ЭКСПО-2017» көрмесі аясында ұйымдастырылған Литва суретшісі Әсия Радавичененің «Тылсым әлем» атты көрмесінің ашылу салтанаты өтеді.

Суретшінің тарихи отаны Қазақстан. Ақтөбе қаласында дүниеге келген Әсия Ғалымжанқызы Әлжанова экономика ғылымдарының кандидаты, әлеуметтік ғылымдардың докторы, Ақтөбенің жоғары оқу орындарындағы әлеуметтік пәндердердің оқытушысы.

Әсия Радавичене 1989 жылдан Литвада тұрады. Ол осы жерде көркем суретпен айналыса бастайды. Суретшінің туындылары таңғажайып пәктігімен және тазалығымен, мәнерлілігімен және екпінділігімен ерекшеленеді. Оларда  шынайылық, сиқыр және ертегі керемет үйлесім тапқан. 

Көрменің ашылуына «ЭКСПО-2017» көрмесіндегі Литва Республикасының өкілдері, мәдениет және қоғам  қайраткерлері және т.б. қатысады

Шығыс пен Батыстың көне қару-жарақ өнері көрмесі

Эрмитаж 1

2017 жылғы 3 шілдеде сағат 16:00-де Қазақстан Республикасы Ұлттық музейінде Халықаралық мамандандырылған «ЭКСПО-2017» көрмесіне орайластырылып «Шығыс пен Батыс: мемлекеттік Эрмитаж қорынан көне қару-жарақ» атты көрмесі өтеді.

Көрмеде 70-ке жуық қару-жарақ өнер туындылары қойылады. Олардың ішінде Түркия, Иран, Үндістан, Жапония, Франция, Италия, Германия, Испания  және т.б. елдердің соғыс, аңшылық және салтанатты қарулары бар.

Батима Заурбекованың көрмесі ашылады

Батима

2017 жылғы 30 маусымда сағат 16.00-де Қазақстан Республикасы Ұлттық  музейінде Қазақстан Республикасы Суретшілер одағының мүшесі, Шоқан Уәлиханов атындағы Қазақ КСР-ы Мемлекеттік сыйлығының лауреаты, Қазақстан Республикасының Еңбек сіңірген қайраткері Бәтима Зәуірбекованың «Ұлы дала өрнектері» атты жеке көрмесі ашылады.

Көрмеге Бәтима Зәуірбекованың 60-тан астам көркем туындылары қойылады.

Ұлттық музейде Мысырдың «Реда» халық биі ансамблі өнер көрсетеді

IsmailOrientalDanceCompany

2017 жылғы 23 маусым сағат 16:00-де Қазақстан Республикасы Ұлттық музейінде Халықаралық мамандандырылған «ЭКСПО-2017» көрмесі аясында «Ежелгі Мысыр ескерткіштері» атты көрме өтеді.

Көрменің ашылу салтанаты барысында Мысырдың «Реда» тұңғыш халық биі ансамблі өнер көрсетеді. 1959 жылы Махмуд Реда негізін қалаған бұл ансамблде 15 биші ғана болатын. Бүгінгі таңда ансамбль құрамында 150-ге тарта әнші, биші және техниктері бар. «Реда» ансамблі Мысыр фольклорын биімен де, музыкасымен де шетелдерде  таныстыра алатын бірден-бір топ болып саналады.

Көрме 3 қыркүйекке дейін жалғасады.