«Алғыс айту» күніне орай музей сабағы

      2017 жылғы 1 наурызда ҚР Ұлттық музейінде Педагогика және балалар шығармашылығы бөлімінің «Ұлттық құндылықтар» жобасы аясында Мәдени білім беру бағдарламалары секторының ұйымдастыруымен, «Қазақ халқының дәстүрлі ән өнері» атты кезекті әдеби-саз сабағы өтті.

      Сабақ барысында Арқа әншілік дәстүрі мектебі, Батыс Қазақстан әншілік дәстүрі мектебі, Жетісу әншілік дәстүрі мектебі, Сыр өңірінің жыраулық дәстүрі мектебі, Алтай-Тарбағатай ән-жыр мектебінің дәстүрлі әндері орындалды.
      Сабақтың мақсаты - халықтық музыка өнерін насихаттап, қазақтың халық әндері мен дәстүрлі музыка өнерінің тарихын және мән-мазмұнын терең түсініп сезінуге тәрбиелеу.
      Музейлік сабақ қазақтың қасиетті қара шаңырағы Киіз үйде дастархан басында № 50, 83 мектеп оқушылары мен ұстаздары және Қазақ ұлттық өнер академиясының «Дәстүрлі ән» кафедрасының 1-ші курс студенттерінің қатысуымен өтті.

      Балалар халық әніне сусындап, ұлттық тағамдардан дәм татып, сабақтан үлкен әсер алып тарады.
      Сабақты дайындап өткізген Педагогика және балалар шығармашылығы бөлімінің кіші ғылыми қызметкері Ахметқалиева Гульжанат.